Zažarbowanje góleśa - wustajenje we zjadnorjonem jadnanju

To pšawo na zažarbowanje za njedolětne góle starjejšeju, kótarejež se nježywitej gromaźe – wšojadno lěc stej ze sobu wóženjonej abo nic – móžośo sebje pśed familijowym sudnistwom wupominaś – něcojano we regularnem (zwadnem) jadnanju abo we zjadnorjonem jadnanju. Póžedanje wó zjadnorjone jadnanje musy se stajiś z pomocu formulara. Wóno móžo k wuwjednemu titeloju malsnjej a tunjej wjasć nježli zwadne jadnanje.

Wy móžośo pla sobuźěłaśerjow a sobuźěłaśeŕkow we młoźinskem amśe abo pla rěcnika abo rěcnice radu pytaś, lěc taka forma jadnanja se za Was góźi.

Weitere Informationen

Düsseldorfska tabela

Směrnice k zažarbowaŕskemu pšawu wušych krajnych sudnistwow, na pśikład

Informacije k temje zažarbowanje

• Die Düsseldorfer Tabelle
• Die Unterhaltsrechtlichen Leitlinien der Oberlandesgerichte, z.B.
• Informationen zum Thema Unterhalt siehe

• Póžedanje wó wustajenje zažarbowanja za paragrafom § 249 kazni FamFG (zjadnorjone jadnanje)
• Formular k napśeśiwjenju

Kriterije za zjadnorjone jadnanje k wustajenju zažarbowanja su:

• Wóno źo wó zažarbowanje
• za njedolětne góle abo
• za dolětne góle za minjony cas njedolětnosći.
• Hyšći žedno sudnistwo njejo nad pšawom na zažarbowanje rozsuźiło abo hyšći žedno sudnikojske jadnanje njejo wordowało pśi sudnistwje wótwórjone.
• Njeeksistěrujo žeden wuwjedny titel dla zažarbowanja (na pśikład wopismo młoźinskego amta).
• Póžedane zažarbowanje za góle njejo wuše ako 1,2 raz minimalne zažarbowanje.

Na wupominanje zažarbowanja maśo pšawo, jolic až sćo

• starjejšy ze starjejšynym pšawom, pla kótaregož njedolětne góle bydli, abo
• wósoba abo zastojnstwo, kótarež góle za kaznjami zastupujo.

Póžedanje dejśo stajiś na formularu, kótaryž móžośo dostaś we młoźinskem amśe abo na amtskem sudnistwje. Formular stoj Wam teke online za wólodowanje k dispoziciji.

• Póžedanje móžośo stajiś, maśo-li k tomu pšawo,
• něcojano we swójom samskem mjenju za góle,
• gaž sćo z tym drugim starjejšym wóženjone a nježywiśo se wěcej gromaźe, abo
• žedno sudnikojske jadnanje we manźelskej wěcy mjazy wami se njewjeźo.
• abo we mjenju góleśa ako jogo kaznjojski zastupnik abo zastupnica.
• Wupołnjone a pódpisane póžedanje z pominanymi dopokazami wótedajśo na Wašom pśisłušnem familijowem sudnistwje pśi amtskem sudnistwje.
• Sudnistwo dajo pśeśiwnikoju abo pśeśiwnicy póžedanja pisnje k wěsći, až póžedanje wó wustajenje płaśenja zažarbowanja za góle jo stajone.
• Starjejšy, kótaryž ma słušnosć góleśeju zažarbowanje płaśiś, ma mjasec casa, aby se pśeśiwo tomu póžedanju wugronił:
• Za wustajenim kazni dajo jano wuske kriterije, pśi kótarychž pśeśiwnik póžedanja móžo we zjadnorjonem jadnanju dla zažarbowanja se pśeśiwo póžedanju wugroniś.
• Pśeśiwnica abo pśeśiwnik póžedanja musy na to swóju zasłužbu a zamóženje zjawiś:
• pśidaś wótpowědne dopokaze.
• wopowěźeś, lěc a we kakej měrje jo wólna/wólny zažarbowanje płaśiś.
• Sudnistwo informěrujo Was dla ewentuelnych napśeśiwjenjow a informacijow, ako jo pśeśiwnik abo pśeśiwnica póžedanja zjawiła.
• Gaž pśeśiwnik abo pśeśiwnica póžedanja pśipowěźejo, až jo ceło abo źělnje wólna/wólny zažarbowanje płaśiś, abo se njewobora abo žedne jeje/jogo znapśeśiwjenja se njepśipušćiju, ga sudnistwo wustajijo wusokosć zažarbowanje pśez wobzamknjenje.
• Pokazk: Howacej jo zjadnorjone jadnanje rozbite a pśeformujo se na póžedanje do zwadnego jadnanja.

za póžedarja/póžedaŕku:

• Formular „Póžedanje wó wustajenje zažarbowanja za paragrafom § 249 kazni FamFG (zjadnorjone jadnanje)” - k dostaśu pla młoźinskego amta abo na kuždem amtskem sudnistwje
• Deklaracija dla zasłužby a zamóženja góleśa a starjejšeju (jo-li póžedarjeju/póžedaŕce znate)
• Pśisłušne dopokaze a dokłady zasłužby

za pśeśiwnika/pśeśiwnicu póžedanja:

• Formular k napśeśiwjenju -
  k dostaśu pla amtskego sudnistwa
• wótpowědne dopokaze a dokłady

Amtske sudnistwo

Młoźinski amt we paźe pomocnikojstwa

Rechtsgrundlage(n)

§§ 1601 a dalšne paragrafy kaznjojskich knigłow bergaŕskego pšawa (BGB)

§ 111 numer 8 kazni dla póstupowanja we familijowych nastupnosćach a we nastupnosćach dobrowólnego sudnikojstwa (FamFG) za familijowe procesowanje

§ 112 numer 1 kazni dla póstupowanja we familijowych nastupnosćach a we nastupnosćach dobrowólnego sudnikojstwa (FamFG) za familijowe procesowanje

§ 113 póstawk 1 kazni dla póstupowanja we familijowych nastupnosćach a we nastupnosćach dobrowólnego sudnikojstwa (FamFG) za familijowe procesowanje

§ 114 póstawk 1 kazni dla póstupowanja we familijowych nastupnosćach a we nastupnosćach dobrowólnego sudnikojstwa (FamFG) za familijowe procesowanje

§§ 249 a slědujuce paragrafy kazni dla póstupowanja we familijowych nastupnosćach a we nastupnosćach dobrowólnego sudnikojstwa (FamFG)

• §§ 1601 ff. Bürgerliches Gesetzbuch (BGB)
• § 111 Nr. 8 Gesetz über das Verfahren in Familiensachen und in den Angelegenheiten der freiwilligen Gerichtsbarkeit (FamFG) für Familienstreitsachen
• § 112 Nr. 1 Gesetz über das Verfahren in Familiensachen und in den Angelegenheiten der freiwilligen Gerichtsbarkeit (FamFG) für Familienstreitsachen
• § 113 Abs. 1 Gesetz über das Verfahren in Familiensachen und in den Angelegenheiten der freiwilligen Gerichtsbarkeit (FamFG) für Familienstreitsachen
• § 114 Abs. 1 Gesetz über das Verfahren in Familiensachen und in den Angelegenheiten der freiwilligen Gerichtsbarkeit (FamFG) für Familienstreitsachen
• §§ 249 ff. Gesetz über das Verfahren in Familiensachen und in den Angelegenheiten der freiwilligen Gerichtsbarkeit (FamFG)

Rechtsbehelf

Wobśěžkanje za myslu paragrafowu 256 a 58 a dalšnych paragrafow kazni FamFG pśeśiwo rozsuźenju familijowego sudnistwa - we casu jadnogo mjaseca